Монголын Үндэсний бөхийн эрхэм дээд алдар цолонд хүрч монгол бөхийн түүхнээ тод мөр, гайхамшигт амжилт, уран мэх, хурдан шуурхай барилдаанаараа үеийн үед дуурсагдан яригдах түүхээ мөнхлөн үлдээсэн Хөвсгөл аймгийн 3 аваргаа эргэн дурсах, алдар гавьяаг нь мөнхжүүлэх зорилготой хүчит бөхийн барилдаан маргааш болохоор товлогдсон. Тодруулбал, Цагаан-Үүр сумын Уялган голоос төрөн гарсан Монгол Улсын аварга "Гоолиг" хэмээх Жамсрангийн Цэвээнравдан, Монгол Улсын Дархан аварга, Хөдөлмөрийн баатар, Гавьяат жүжигчин "Гарлаа, Давлаа" хэмээх хоёрхон үгээр зарлуулж явсан Дарийн Дамдин, Монгол Улсын аварга уран сүлжээ мэх, гараа, дэвээгээр олон түмнээ алдаршсан "Уран мэхт" хэмээх Чойжилын Бээжин аварга нарыг эргэн дурсах, алдаршуулах зорилгоор "Хөвгөлийн Хүчтэн" бөхийн дэвжээ, "Хөвсгөл Хөгжил Сан"-гаас зохион байгуулж буй. Гэвч Монгол бөхийн өргөөний асуудлаас үүдэн өргөөнд ямар нэгэн үйл ажиллагаа явуулахыг хориглосон тул Хөвсгөл аймгаас төрөн гарсан ГУРВАН АВАРГАДАА хүндэтгэл үзүүлэх барилдаан нь дахин хойшлоход хүрчээ.