2014 оноос эхэлсэн Монгол- Германы хамтын  ажиллагаа, Германы олон  улсын  хамтын  ажиллагааны нийгэмлэгийн “Эрдэс баялаг, түүхий эдийн иж бүрэн санаачлага”хөтөлбөрийн хүрээнд Германы зөвлөх үйлчилгээний “Си Би Эм”ХХК (CBM), Монголын Уул уурхайн үндэсний ассоциаци, Монголын уул уурхайн хүний нөөцийн хөгжил (HRD) ТББ–тай хамтран  Германы ХАБ-ын мэргэжилтнийг мэргэшүүлэх сургалтын хөтөлбөрийн дагуу Монгол Улсад ХАБЭА-н мэргэшсэн мэргэжилтэн бэлтгэх 240 цагийн цогц сургалтыг  5 дахь удаагаа эхлүүлэх гэж байна.  
Энэ удаагын сургалтын онцлог нь  Уул уурхай, хүнд үйлдвэрийн яам, Герман Монголын хамтарсан Ашигт малтмал технологийн сургууль, Монголын уул уурхайн хүний нөөцийн хөгжил(HRD) ТББ-тай хамтран  зохион байгуулж буй оршино.  Хамтын ажиллагааны хүрээнд мэргэшсэн Монгол, Герман багш нар хичээл орох ажээ.
Тус сургалт нь 3 түвшний хүрээнд (Silver-Bronze-Gold)  үргэлжлэх ба   сурсан мэдсэнээ бодит байдал дээр очиж үзэх туршлага судлах аяллыг Герман улсад хийнэ.
Сургалтыг танхимын сургалт, дадлагын ажил, онлайн хичээл, бие даалт, тайлан хамгаалалт хийлгэх зэрэг хэлбэрүүдийг хослуулан явуулах ба Хүрэл, Мөнгө, Алт түвшин тус бүрийн төгсгөлд шалгалт авч гэрчилгээ олгох ажээ.