Жил бүрийн энэ өдрийг Ялалтын баярын өдөр болгон тэмдэглэдэг уламжлалтай. Энэхүү өдрийг тохиолдуулан ОХУ-ын Элчин сайдын ивээл дор “Жүдо бөхийн залуучуудын  аварга шалгаруулах лигийн тэмцээн” ОБЕГ-ын харьяа “Аврагч” биеийн тамир техник-спорт хороонд зохион байгуулжээ.
Тэмцээнд нийт 13 багийн 200 гаруй тамирчин хурд хүч авхаалж самбаагаа сорин өрсөлдөж, аваргуудаа шалгаруулсан байна.
 Тэмцээний нийлбэр дүнгээр нэгдүгээр байрт “Аврагч” биеийн тамир техник-спорт хорооны баг тамирчид, хоёрдугаар байрт Монголын жүдо академийн баг тамирчид, гуравдугаар байрт ШШГЕГ-ын “Сүлд спорт” хорооны баг тамирчид болон Дархан-Уул аймгийн биеийн тамир спорт хорооны тамирчид тус тус шалгарчээ.