Монгол улс анх удаа Олимпын наадмаас медаль хүртсэний 50 жил, Олимпын наадмаас анхны алтан медаль хүртсэний 10 жилийн ойг тохиолдуулж "Үл тасрах аялгуу" төслийн хүрээнд тамирчдын дунд 50, 60, 70, 80-аад оны дууг гарамгай сайн дуулдаг тамирчин дуучин шалгаруулах уралдааныг МҮОХ, ТВ5 телевиз, Монголын концертын төв хамтран зохион байгуулах гэж байна. Уралдаанд тамирчдын нас, амжилтыг хязгаарлахгүй бөгөөд дуулах сонирхолтой тамирчид бүгд оролцох боломжтой аж.