Ики Ёжигоор удирдуулсан Монгол Улсын 16, 19 хүртэлх насны охидын шигшээ багууд Азийн АШТ-ий урьдчилсан шатны тэмцээний бэлтгэлийн хүрээнд ӨМӨЗО-ы багтай нөхөрсөг тоглолт хийжээ.
Охидын шигшээ багийнхан өвлөөс эхлэн Азийн АШТ-ий урьдчилсан шатны бэлтгэлээ идэвхтэй базаасаар байгаа юм. Өнгөрсөн хоёр өдөр ӨМӨЗО-ы Шилийн гол аймгийн Монгол дунд сургуулийн 17, 18 насны охидын багийнхантай нөхөрсөг тоглолт хийж, 4:2, 5:0 гэсэн үр дүнгээр хожсон байна.
16 хүртэлх насны охидын шигшээ баг 9-р сард, 19 хүртэлх насны охидын шигшээ баг 10-р сард Азийн АШТ-нд хүч үзнэ.