ОХУ-д болж буй хөлбөмбөгийн дэлхийн аварга шалгаруулах тэмцээний зургаа дахь өдөр Португал, Мароккогийн тоглолт ширүүхэн боллж 1:0- харьцаатайгаар өндөрлөлөө.

Тоглолт Москва хотын “Лужники” цэнгэлдэх хүрээлэнд Португал, Мароккогийн хооронд болж өндөрлөлөө. Дэлхийн таван удаагийн шилдэг хөлбөмбөгчин К.Роналдо дөрөв дэх минутад хожлын гоолыг оруулж, багтаа чухал гурван оноог авчирсан. Энэ гоолоос хойш аль аль нь нэмж гоол оруулж чадаагүй. 

Марокко эхний тоглолтод Иранд хожигдсон бол энэ удаа К.Роналдо тэргүүтэй Португалийн шигшээ багийг хожих даалгавартай гарсан ч барсангүй. 

К.Роналдо дэлхийн аваргын мэргэн буучдын жагсаалтыг дөрвөн гоолтойгоор тэргүүлсэн хэвээр үлдлээ. Түүний араас гурван гоолтой нэг, хоёр гоолтой дөрвөн тоглогч бий. 

Хэсгийн эхний тоглолтод Испанитай 3:3-аар тэнцэж, нэг оноо авсан Португал дөрвөн оноотой болсноор хэсгээ тэргүүлж эхэллээ.