Дэлхийн аврагч, гал сөнөөгчдийн 13 дугаар их наадам БНСУ-ын Чүнжү хотод зохион байгуулагдаж байна. Тус наадамд дэлхийн 51 орны арван мянга гаруй тамирчин спортын 75 төрлөөр өрсөлдөж байгаа юм.  Монгол Улсаас Онцгой байдлын албаа төлөөлөн спортын долоон төрлөөр 28 тамирчин оролцож буй. Багийн ахлагчаар бэлтгэл хурандаа С.Залуухүү, ерөнхий дасгалжуулагчаар НОБГ-ын Гал түймэртэй тэмцэх хэлтсийн дарга, хурандаа Д.Мөнхсайхан ажиллаж байгаа юм. Тус тэмцээний гар бөмбөгийн төрөлд манай баг тамирчид хүрэл медаль, шатрын тэмцээний төрөлд мөн хүрэл медаль хүртсэн амжилт үзүүлжээ. Тэмцээн энэсарын 17-ны өдрийг хүртэл үргэлжлэх нь.