Билгийн

Доллар (USD)

Улаанбаатар

ЖИЛД ГАНЦ БОЛДОГ НЭР ТӨРИЙН ТУЛААН БОЛНО

Монголын хөлбөмбөгийн ертөнцөд өрсөлдөж буй мянга мянган тоглогчдын гурван хүслийг асуувал “Үндэсний дээд лигт түрүүлэх, шигшээ багт тоглох, холбооны цомд аваргалах” гэж хариулах тамирчид олон байх биз ээ.

Хөлбөмбөгчин бүрийн хүсэлд багтсан алтан цомын төлөөх аваргын тулаан 2018 оны 10 сарын 03-ы лхагва гарагт 17:30 цагаас “Улаанбаатар сити”, “Атлетик 220” багуудын хооронд болно.

Үндэсний дээд лигт түрүүлэх боломжгүй болсон ч “МХБХ-ны цом” гэсэн нэр хүндтэй тэмцээнд аваргалах боломж өндөр зэрэглэлийн тоглогчдоос бүрдсэн, шилдэг багуудын өмнө нээлттэй байна.

Аварга авах хэцүү ч аваргаа хамгаалах түүнээс хэцүү гэдэг ч “Улаанбаатар сити”-ийн залуус өнгөрсөн жилийн аваргын цомоо эргүүлэн авахаар шигшээ тоглолтын өмнө тулж ирлээ.

“Атлетик 220” клуб “МХБХ-ны цом”, “Үндэсний дээд лиг”-т түрүүлж байгаагүй ч аварга авч байгаа багийн хамгийн хүчтэй өрсөлдөгч байж чаддаг. Үндэсний шигшээ багийн ахлагч Д.Төрбат, довтлогч Н.Наранболд, хаалгач Э.Мөнх-Эрдэнэ гээд чадварлаг тоглогчидтой 220 мянгатын залуус анх удаа “МХБХ-ны цом”-ыг өргөхийг юу юунаас хүсэж байгаа нь дамжиггүй.

“Мазала” үндэсний дээд лигийн шилдэг багуудын ширүүн тулааныг та бүхэн МХБХ-ны цэнгэлдэх хүрээлэнд үнэгүй үзэж сонирхохоос гадна, mycujoo.tv-ээр шууд хүлээн авч үзэх боломжтой.

0 Сэтгэгдэл
Хамгийн их уншсан