Соёл, урлагийн газраас Даяаршлын түрлэг дэх Монгол соёлын өвийн дархлаа уриатай "Соёлын өвийн анхдугаар зөвлөгөөн"-ийг өнгөрсөн сарын 17, 18-ны өдрүүдэд Улаанбаатар хотноо зохиогдсон билээ. Зөвлөгөөнд Соёлын асуудал эрхэлсэн төрийн захиргааны төв байгууллага, соёлын асуудал эрхэлсэн төрийн захиргааны байгууллага, Нийслэлийн Соёл, урлагийн газар, аймгуудын Засаг Даргын тамгын газрын Нийгмийн бодлогын хэлтсийн дарга, Боловсрол, соёл урлагийн газрын дарга, соёл, урлаг хариуцсан мэргэжилтэн, улс, орон нутгийн музейн захирал, зарим номын сангийн захирал, эрдэмтэн, судлаач, мэргэжилтэн, соёлын өв хамгааллын чиглэлээр үйл ажиллагаа явуулж байгаа Төрийн бус байгууллага, аж ахуйн нэгжийн төлөөллөөс бүрдсэн 250 гаруй хүн оролцсон. Тэгвэл орон нутагт энэхүү ажлын үргэлжлэл хийгдэж эхэллээ. Тодруулвал Баянхонгор аймгийн "Соёлын өвийн анхдугаар чуулган" маргааш зохион байгуулагдах гэж байна.
