Монгол Японы уран бүтээлчид хамтран “Монголын бейсболын тэмдэглэл” нэртэй уран сайхны кино хийж байна. Киноны зураг авах ажил өчигдрөөс эхэлжээ. Сүхбаатарын талбайгаас эхэлсэн зураг авах ажил энэ сарын 21-ийг хүртэл үргэлжлэх аж. Кинонд гарах дүрүүдийг хоёр орны уран бүтээлчид бүтээж, найруулагчаар нь Б.Чингүүн ажиллаж байгаа юм. Найруулагч Б.Чингүүний богино хэмжээний кинонууд үзэгчдийн анхааралд хүрч чадсан билээ. Мөн тэрээр саяхан гарсан “Наран мандах нутаг” олон ангит киногоор үзэгчдэд чадвараа харуулаад амжсан. Японы талаас Монголын кино бүтээгчдийн дунд судалгаа явуулсны эцэст түүний сонгосон гэсэн. Харин “Монголын бейсболын тэмдэглэл” кино зөвхөн Японы кино театруудад гарах юм байна.