Цахим орчны зохистой хэрэглээг уриалсан хүүхдэд зориулсан "Кибер сүлжээ" уран сайхны кино өнөөдөр "Тэнгис" кино театрт нээлтээ хийнэ. “Засгийн газрын 2007 оны 280 тоот тогтоолоор батлагдсан “Хүүхдэд зориулсан уран бүтээл туурвихад төрөөс санхүүгийн дэмжлэг үзүүлэх журам"-ын дагуу Засгийн газрын хэрэгжүүлэгч агентлаг Соёл, урлагийн газар "Кибер сүлжээ" зохиолыг бүрэн хэмжээний уран сайхны кино болгох ажлыг хийж гүйцэтгэсэн билээ.

“Кибер сүлжээ” уран сайхны кино нь өсвөр насны хүүхэд, залуус цахим гэмт хэргийн хохирогч болж буй өнөөгийн нийгмийн тулгамдсан асуудлыг хөндөж, нийгмийн сүлжээний зохистой хэрэглээг бий болгоход тодорхой хувь нэмрээ оруулах дэлгэцийн бүтээл юм.