“Монголын сүм хийдүүд” үзэсгэлэн Монголын Үндэсний музейд үүдээ нээлээ. Сүүлийн үед манай улсад сүм хийдүүд сэргэж буйтай холбогдуулан сүсэгтэн олондоо мэдээлэл өгөх нь энэ үзэсгэлэнгийн зорилго аж. Уг үзэсгэлэнд Монголын Үндэсний музейн сан хөмрөгт хадгалагдаж буй сүм хийдүүдийн зураг болон сийлбэр, урлагийн эд зүйлсийг гар зургаар төлөөлүүлэн сүсэгтэн олонд сонирхуулж байна. “Баруун этгээдэд зорчсон нь” хэмээх үлгэр, урлагийн гавьяат зүтгэлтэн Г.Дунбүрээгийн зүүн хүрээ болон тухайн үеийн гучин аймгийн сүм хийдүүдийг сэргээн зурсан 30 гаруй сонирхолтой уран зургийг олон нийт ихээхэн сонирхож байлаа.