Доллар (USD)

Улаанбаатар

“Болор цом” наадамд 27 найрагчийн бүтээл тунан үлджээ

МЗЭ-ийн түүхт 90 жилийн ой энэ онд тохиож буй. Түүхт ойн баярын чухал арга хэмжээний нэг нь яах аргагүй “Болор цом” яруу найргийн наадам. 36 дахь жилтэйгээ золгож буй наадам Говьсүмбэр аймагт энэ сарын 5-нд буюу бямба гарагт зохион байгуулагдахаар болжээ. Энэ жил 140 гаруй яруу найрагч бүтээлээ ирүүлснээс урьдчилсан хоёр шатны шалгаруулалтаар 27 нь тунан үлдсэн аж. Тэдний 17 нь Зохиолчдын эвлэлийн шагналт яруу найрагч бол зургаа нь “Болор цом” наадмын дэд, тэргүүн байрыг эзэлж байсан найрагчид юм байна. "БОРЖИГИН ГОЛОМТ-БОЛОР ЦОМ-36"  нэрийн дор зохигдох яруу найргийн наадмыг орон нутгийнхаа ард түмэнд үнэ төлбөргүйгээр, урилгаар үзүүлэх шийдвэрийг аймгийн Засаг дарга нь гаргасан юм байна. Дашрамд сонирхуулахад, тус наадамд "БОРЖИГИДАЙ СЭЦЭН" салбараас МЗЭ-ийн гишүүн, МУСТА Ду.БАТМЭНД, МЗЭ-ийн гишүүн, "Ган үзэгтэн" шагналт Т.ЭРДЭНЭБААТАР, МЗЭ-ийн шагналт яруу найрагч Б.ЭНХТӨР нар сугалаа таарч оролцохоор болжээ.

0 Сэтгэгдэл
Хамгийн их уншсан