Монголын Зохиолчдын Эвлэлийн түүхт 90 жилийн ойг тохиолдуулан Яруу найргийн үндэсний төв Бэст Арт Галерейтай хамтран үе үеийн шилдэг яруу найрагч нарын хөрөг зургийн үзэсгэлэнг өнөөдөр нээлээ.

Үзэсгэлэнд Монголын шинэ үеийн утга зохиолын их өргөөний тулгыг тулж, галыг бадраасан С.Буяннэмэх, Д.Нацагдорж, Ц.Дамдинсүрэн, нараас эхлээд үе үеийн шилдэг 60 орчим найрагчийн хөрөг дэлгэгдсэн байв.

“Яруу найрагчийн хөрөг” үзэсгэлэн нь энэ сарын 3-наас 10-ний өдрүүдэд Бэст Арт Галерейд үргэлжилнэ.