Монголын Оюун Ухааны Академийн нэрэмжит "Ой тогтоолтын улирлын аварга Winter-2019" оюуны спортын чансаа ахиулах тэмцээн энэ сарын 28-нд 08:00-20:30 цагт Монгол-Японы төвд болох гэж байна. Тус тэмцээн нь оюуны спортын төрөл болох ой тогтоолтын спортыг хүүхэд, залуус, ахмад үеийнхэнд сурталчлан таниулах, хүн бүр оюуны потенциалаа дээд зэргээр ашиглаж болдгийг харуулах, улмаар эх орныхоо нэрийг дэлхийн түвшинд гаргах оюуны спортын тамирчдыг тодруулах зорилготой улирал бүр зохион байгуулагддаг билээ. Тамирчдын мэдүүлгийг өнөөдрөөс эхэлж энэ сарын 18 хүртэл www.memorysport.mn сайтаар бүртгэх нь.