Өмнөд Америкийн Перу улсын нутаг дэвсгэрт 10 өдөр үргэлжилсэн “Дакар Ралли 2019” уралдааны авто машины төрөлд ур чадвар, эр зоригоо сорьсон Монгол Улсын ОУХМ Ө.Бямбадэлгэр, ОУХМ Ө.Бямбацогт нар уралдааны замаа амжилттай дуусгаж барианд орлоо.

Өчигдөр авто спортын дэлхийн шилдэг дээд ангиллын энэ уралдааны  10 дахь өдрийн гараа болж 41 дэх удаагийн “Дакар Ралли” өндөрлөв.

Монгол улсаас ОУХМ Ө.Бямбадэлгэр, ОУХМ Ө.Бямбацогт нар автомашины төрөлдөө нийт дүнгээр 32 дугаар байрт шалгарсан бол UTV open ангилалдаа гутгаар байр эзэлсэн өндөр амжилт гаргалаа.

Монголын баг дэлхийн шилдгүүдтэй эн тэнцүү уралдаж, ийнхүү 10 өдрийн 5000 гаруй км элсэн цөлийг амжилттай давж гарлаа.