Өвөрхангай аймгийн "Их Монголын Хүчтэн Дэвжээ"-ний бөхчүүд саяхан хуралдаж, дэвжээний бөхчүүдийн бэлтгэл сургууль болон бусад асуудлыг хэлэлцжээ. Тус хурлаар улсын заан Төмөрбаатарын Санчирыг дэвжээний менежер, ахлах дасгалжуулагчаар, улсын начин Батмөнхийн Сангисүрэнг дэвжээний дасгалжуулагчаар тус тус сонгосон байна. Тус дэвжээний тэргүүнээр Монгол Улсын Хөдөлмөрийн баатар, гавьяат тамирчин, мэргэжлийн сүмо бөхийн 68 дахь их аварга Д.Дагвадорж ажилладаг билээ.