Доллар (USD)

Улаанбаатар

ЭМГЭНЭЛ

Бидний журмын нөхөр, хамтран зүтгэгч Сономжид овогтой Мөнхбаатар өвчний улмаас хорвоог орхиж, хүнд гарз тохиолоо.

Талийгаач С.Мөнхбаатар нь 1956 оны 6 дугаар сарын 6-нд Дорноговь аймгийн Сайншанд суманд төрснөөс хойш насан эцэстлээ нутагтаа амьдран, төмөр зам, авто тээврийн салбарт машинист байцаагчаар тасралтгүй 30 гаруй жил үр бүтээлтэй хөдөлмөрлөсөн юм.

Тэрбээр Дорноговь аймгийн Монголын Ардчилсан Холбоо, Ардчилсан намыг үүсгэн байгуулалцаж, 1990 онд Зөвлөлтийн цэрэг нутаг буцахад нь цувааг хаан байгаль орчны сүйтгэлийг хэвэнд нь оруулахыг шаардан суулт хийсэн төдийгүй 1994 онд П.Жасрайн Засгийн газрын эсрэг улс төрийн өлсгөлөнд биеэрээ оролцсон тууштай зүтгэлтэн байлаа.

Түүний хүчин зүтгэлийг үнэлэн Эрх чөлөөний одон, Тусгаар тогтнолын одон, ойн медалиуд, салбарын хүндэт цол тэмдэг, “Алтангадас” одон, Хөдөлмөрийн гавьяаны улаан тугийн одонгоор тус тус шагнажээ.

Талийгаач С.Мөнхбаатарын шударга, хөдөлмөрч, хүнлэг зан чанар бидний сэтгэл зүрхэнд үүрд хоногшин үлдэх болно.

Ум сайн амгалан болтугай.

2 Сэтгэгдэл
Mongol erchuud maani arai l bogino naslaad bna uu daa. 60 hurelgui esvel 60 dunguj garaad l yavchih yum.
Ардчилалын партизанууд цөөрсөөр л... Эд ч гавьяатай л хүмүүсдээ. Төр хэзээ ойлгох юм болдоо. Гэтэл Чимэд гуай нарын боловсруулсан ҮНДСЭН ХУУЛЬ-ийг зочид буудалд амарч 76 хоног тансаглачдаад бараг баатарууд мэт аяглаж 70 сая төгрөг авсандаа. Өнөөгийн эрхтэн дархтан,алдартангууд бүгд л ардчилал... /энэ хүмүүс/-н ач гэдгийг ойлгодог болов уу???... УУЧЛААРАЙ...
Хамгийн их уншсан