Герман мэргэжилтэн Майкл Вайссаар ахлуулсан Үндэсний шигшээ баг болон 23 хүртэлх насны шигшээ багууд энэ сарын 2-ны өдөр хилийн дээс алхаж урд хөрш БНХАУ-ын зорьсон билээ. Тэдний хувьд БНХАУ-ын Кумминг хотноо бэлтгэл сургуулилтаа эрчимтэй базааж байгаа бөгөөд энэ сарын 16-ны өдөр эх орондоо эргэн ирэх юм.

Манай улсад 3 сарын 22-26-ны өдрүүдэд 23 хүртэлх насны Азийн АШТ зохион байгуулагдана. Мөн энэ жил ДАШТ-ий урьдчилсан шатны чухал тоглолт биднийг хүлээж байгаа учир урд хөршид хийж байгаа тус бэлтгэлд МХБХ онцгой ач холбогдол өгч байна.