Боловсрол, соёл, шинжлэх ухаан, спортын яам нь Үндэсний их баяр наадмын соёл, урлагийн арга хэмжээг зохион байгуулах зорилгоор төслийн багтай гэрээ байгуулахаар болсон байна. Сонирхсон төслийн баг саналаа энэ сарын 28-ны өдөр хүртэл Засгийн газрын хэрэгжүүлэгч агентлаг Соёл, урлагийн газарт хүргүүлэх ёстой аж.
Ингэхдээ Хүндэтгэлийн концерт -2019 оны 07 дугаар сарын 10-ны өдөр 2 удаа соёлын төв өргөөнд зохион байгуулах, Наадмын төрийн ёслол хүндэтгэлийн арга хэмжээний соёл, урлагийн тоглолт -2019 оны 07 дугаар сарын 11-ний өдрийн нээлт, 2019 оны 07 дугаар сарын 12-ны өдрийн наадмын хаалт төв цэнгэлдэх хүрээлэнд зохион байгуулах гэсэн хүрээнд сонирхсон хуулийн этгээд саналаа ирүүлэхийг урьжээ.