1925 оны тавдугаар сарын 8-нд их зохиолч Д.Нацагдорж санаа зориг нийлсэн хэсэг залуусын санаачилгаар “Хойчийг залгамжлагч багачуудын холбоо” нэртэйгээр анх байгуулагдаж байсан түүхтэй Монголын хүүхдийн байгууллага 94 жилийнхээ ойтой золгож байна.

Энэхүү түүхт ойн өдөр тохиож байгаатай холбогдуулан хүүхдийн байгууллагын төлөөлөл болон хүүхэд, ахмад пионерууд тус байгууллагыг үндэслэгч, их зохиолч Д.Нацагдоржийн хөшөөнд хүндэтгэлийн цэцэг өргөж, сурагчид хүндэтгэлийн шугам жагсаалаар алхаж ахмад пионерууддаа хүндэтгэл үзүүлсэн юм. Мөн хүүхдийн оролцооны байгууллага, дугуйлангийн хүүхдүүд өөрсдийн авьяас чадвараа ирсэн зочдод үзүүлж сонирхууллаа.