Монголын шигшээ баг 2022 оны ДАШТ, 2023 оны ААШТ-ний урьдчилсан шатны хэсэгт орох эрхийн төлөөх хоёр дахь тоглолтоо 06-р сарын 11-ний 20:15 цагт хийнэ.

Эхний тоглолтод 2:0-ээр хожсон манай шигшээ Бруней Даруссаламын талбайд хийх 90 минутыг маш хариуцлагатай өнгөрөөж чадвал урьдчилсан шатны хэсэгт багтаж, ирэх хоёр жилийн туршид олон тоглолт хийх боломжтой болно.

Хөлбөмбөг сонирхогчдын хэдийнээ мэдэх Ногоон Тагт-д уг тоглолтыг албан ёсны эрхтэйгээр үзүүлэх бөгөөд үнэнч хөгжөөн дэмжигч та бүхэн нэгэн дээвэр дор цуглаж шигшээ багаа дэмжээрэй. Мөн MyCujoo-оор шууд үзэх боломжтойг дуулгахад таатай байна.