Монголын төрт улс үүссэний 2228, Их Монгол улс байгуулагдсаны 813, Ардын хувьсгалын 98 жилийн ой, Үндэсний баяр наадмын арга хэмжээний хүрээнд зохион байгуулагддаг "Монголын сайхан орон" шилдэг бүтээлийн үзэсгэлэн өнөөдөр Монголын урчуудын эвлэлийн "Арт" галерейд нээлтээ хийлээ.

Тус үзэсгэлэн нь жил бүрийн Үндэсний их баяр наадмын албан ёсны хөтөлбөрт багтаж гадаад, дотоодын үзэгч сонирхогчдын хүсэн хүлээдэг арга хэмжээ болсон юм.

Үзэсгэлэнд МУЭ-ийн 150 гаруй уран бүтээлчид өөрсдийн шилдэг бүтээлээ ирүүлснээс уран зураг, уран баримал, сийлбэр, арьсан урлал, монгол зургийн нийт 130 гаруй шилдэг бүтээл тавигдаж байна.