Хүүхдийн спортын зургадугаар наадам ирэх сарын 9-нөөс 15-ны өдрүүдэд Улаанбаатар хотноо болно. Уг наадамд одоогийн байдлаар манай улсын бүх аймаг, дүүргийн 4500 гаруй тамирчин оролцохоор бүртгүүлжээ. Наадмын нээлт есдүгээр сарын 10-нд Буянт-Ухаагийн спортын ордонд болно.

Зургадугаар их наадмын шилдэг тамирчин, дасгалжуулагч, хороо, баг, аймаг, дүүрэг гэсэн зургаан номинациар тодруулан мөнгөн шагналаар урамшуулах юм байна.

Хүүхдийн спортын зургадугаар их наадам 36 төрлөөр зохион байгуулагдаж, үндсэн 19, сонгох 5, паралимпийн 4, дифлимпийн 3, тусгай 3 төрлүүд орох юм байна. Ирэх онд “Азийн хүүхдүүд 2020” олон улсын наадам манай улсад болох юм.