ОХУ -ын Эрхүү хотын засгийн газрын ивээл дор зохион байгуулагдах Ази номхон далайн орнуудын хүүхдийн жүжгийн анхдугаар наадам энэ оны 09-р сарын 05-наас 11-ний өдрүүдэд Эрхүү хотод зохион байгуулагдах гэж байна. Тус наадамд мэргэжлийн урлагийн ууган байгууллага Улсын драмын эрдмийн театрын уран бүтээлчид Монгол ардын аман зохиол, үндэсний хэв шинжийг агуулсан Я.Баяраа, Б.Хишигзаяа нарын зохиол “ЦАРЦАА НАМЖИЛ” хүүхдийн жүжгээр оролцоно.