Улсын Дуурь, Бүжгийн эрдмийн театрын захиргаа, уран сайхны зөвлөлөөс мэдэгдэл гаргажээ. Тус мэдэгдэлд дурдсанаар, УДБЭТ нь дотоод шалтгааны улмаас хоёрдугаар сард төлөвлөгдсөн бүх тоглолтоо цуцалсан байна.
Иймээс хэрвээ та УДБЭТ-ын хоёрдугаар сарын хөтөлбөрөөс сонгон тасалбар худалдан авсан бол бусад саруудын тоглолтын тасалбараар солих эсвэл буцаах боломжтой юм байна.
Театрын үйл ажиллагаа гуравдугаар сараас эхлэн хэвийн явагдана гэдгийг мэдэгдэлдээ дурджээ. Мэдэгдлийг бүрэн эхээр нь хүргэе.
УДБЭТ-ЫН ХАМТРАН АЖИЛЛАДАГ БАЙГУУЛЛАГА, ҮЗЭГЧДИЙН АНХААРАЛД
УДБЭТ-ын хамт олон 70 жилийн турш Дэлхийн болон Монголын сонгодог уран бүтээлээр үзэгчиддээ үйлчилсээр ирсэн билээ.
УДБЭТеатр нь 2020 онд нилээдгүй ажлыг төлөвлөсөн боловч театрын дотоод шалтгааны улмаас 2-р сарын бүх тоглолтыг цуцалж байгаадаа гүнээ хүлцэл өчиж байна.
Хэрэв та манай театрын 2-р сарын хөтөлбөрөөс сонгож билет худалдаж авсан бол бусад саруудын тоглолтын билетээр солих, эсвэл буцаах боломжтой юм. Манай театрын үйл ажиллагаа 3-р сараас эхлэн хэвийн явагдах болно.
Сонгодог урлагийг байнга дэмжин ажилладаг байгууллага хамт олон, үнэнч үзэгчиддээ баярлалаа.
УДБЭТ-ын захиргаа, Уран сайхны зөвлөл
