Улсын онцгой байдлын комиссын шийдвэрээр сургууль, цэцэрлэгийн өмчийн байдал үл харгалзан гуравдугаар сарын 2-ныг хүртэл хаах шийдвэр гаргасан. Мөн Засгийн газрын хуралдаанаар их дээд сургуулийг ч мөн хугацаа хүртэл хааж, хөл хорио тогтоосон байгаа билээ. 

Цаашдаа сургууль, цэцэрлэгийн хөл хориог ахин сунгах эсэх асуудлыг өнөөдрийн /2020.02.19/ Засгийн газрын ээлжит хуралдаанаар хэлэлцэж, сургууль цэцэрлэгийн хөл хориог ахин ирэх дөрөвдүгээр сарын 1-ний өдрийг хүртэл сунгах асуудлыг ярьж, шийдэлд хүрсэн бөгөөд өнөөдрийн Засгийн газрын хуралдаанаар оруулж, ийнхүү нэг сараар сунгахаар шийдвэрлэлээ.