УДЭТ арваннэгдүгээр сарын 9-нд театр урлагийн эцэг хэмээгддэг дэлхийн сонгодог жүжиг В.Шекспирийн “Гамлет”-ыг тайзнаа амилуулахаар бэлтгэл ажилдаа ороод байгаа. Жүжгийн хамгийн гол бэлтгэл бол жүжигчдэд жүжгийн талаар мэдлэг олгох байдаг. Тийм ч учраас физикч, доктор профессор З.Бат-Отгон, философич, доктор профессор Г.Билгүүдэй, театр судлаач, доктор профессор С.Майжаргал, бурханч лам Г.Пүрэвбат нараар жүжигчдэд лекц уншуулсан байна. Ингэснээр эхний бэлтгэл дууссан гэж үзэж буй юм. Дашрамд сонирхуулахад, УДЭТ-ын 40-өөд хүний бүрэлдэхүүнтэй багийнхан ирэх сарын 7-нд орон нутгийн үзэгчдэдээ уран бүтээлээ хүргэхээр аян замд гарахаар болжээ.