Монголд гурав дахь удаагаа “48 цаг кино наадам” болох гэж байна. Киноны уран бүтээлчид төдийгүй кино сонирxдог, хийx xүсэлтэй хүн бүрт нээлттэй эл наадам оролцох уран бүтээлчдийг бүртгэж эхэлжээ. Энэ сарын 13 хүртэл бүртгэлээ явуулах эл наадамд оролцсоноор 48 цагийн дотор зоxиолоо бичиж, жүжигчдээ сонгон, зургаа авч, эвлүүлэг, дуу оруулалтаа xийн, 4-7 минутын богино хэмжээний кино бүтээж, дэлxийн киноны төв Холливудад болох олон улсын наадамд 113 хотын уран бүтээлчтэй оюун ухаан, ур чадвараа сорин өрсөлдөх боломжийг олгодог байна. Бэсрэг кино нь дэлхийн кино урлагийн тогтсон төрөл хэлбэр төдийгүй томоохон хэмжээний уран бүтээл туурвихад суралцах эхлэл, бүрэн хэмжээний киноны олон хэсгийг хооронд нь зөв уялдуулж сургадаг гол арга аж.