Британийн машин үйлдвэрлэгч “Jaguar Land Rover” компани Хятадад хоёр ч үйлдвэр барихаар болсон байна. Барилга барих эцсийн зөвшөөрлөө Хятадын Засгийн газраас хараахан аваагүй байгаа ч Шанхайн умард хэсэгт үйлдвэрийн аятайхан газар олсон гэдгээ компанийн удирдлага мэдэгджээ.
Гэхдээ тус компани өөрийн нэрийн хуудас болсон “Range Rover” юмуу “Range Rover Spot”-ийг Хятадад үйлдвэрлэхгүй харин “Freelander”, “Evoque” зэрэг машиныг энд угсарч магадгүй гэж мэдэгдсэн байна. Компани Хятадаас гадна Саудын Араб, Бразиль, Энэтхэг, Орост өөрийн үйлдвэрээ барихаар судалж байгаа гэнэ. Хэдийгээр дэлхийн зах зээл, ялангуяа Европт эрэлт буурч байгаа ч “Jaguar Land Rover” ирээдүйдээ тун итгэлтэй байгаагаа үүгээр харууллаа.