Нийслэлийн гудамж, зам талбайн гэрэлтүүлгийн ашиглалт аюулгүй ажиллагаанд урьдчилсан сэргийлэх хяналт шалгалт хийн ажиллаж байна.

Шалгалтаар 500 ш хазайсан шон, 47 ш таггүй шон, 1345 ш гэрэлтүүлгийн шон өнгө үзэмж нь зэвэрч муудсан, 209 ш асахгүй, эвдэрч хэмхэрсэн гэрэлтүүлгийн толгой, 25 ш бүрэн бүтэн байдал нь алдагдсан удирдлагын самбар, 700 м ил задгай унжилт ихтэй сип утас зэрэг зөрчил дутагдлуудыг илрүүлж Улсын ахлах байцаагчийн хугацаатай үүрэг даалгавар өгч биелэлтэд хяналт тавин, шалгалтын ажил үргэлжилж байна гэж НМХГ-аас мэдээллээ.