Дэлхийн өргөн уудам нутаг дэвсгэрт нарны илч харилцан адилгүй хүрч байдгаас салхи үүсдэг ажээ. Нарны илч тусч, халсан газрын агаар тэлж, даралт нь өөрчлөгддөг. Даралт нь өндөр байгаа агаар тэнцвэрээ олохын тулд бага даралттай хэсэг рүү нүүдэг. Энэ хөдөлгөөнөөс салхи үүсдэг бөгөөд  өндөр, нам агаарын даралтууд харшилдсан үед хүчтэй салхи үүсдэг байна.
Ер нь, салхи бол шууд болон шууд бусаар халууныг дамжуулан, түгээгч юм. Дэлхийн гадаргаас дээшээ агаар мандал руу, эсвэл халуун дулаан газраас хүйтэн сэрүүн рүү дулаан түгээдэг.
Гэхдээ салхи үүсэх явц бодит амьдрал дээр үүнээс ч нарийн төвөгтэй үйл явцаас үүсдэг. Тухайлбал, дэлхийн эргэх хөдөлгөөнөөс шалтгаан агаарын урсгал өөрчлөгдөх мэтийн бусад хүчин зүйл ч салхи үүсэхэд нөлөөлнө. Цаг агаарын өөрчлөлттэй адил салхи бүр өөр өөр хүчин зүйлийн нөлөөллөөр үүсдэг байна.