Итали улсад хоёр жил тутам зохион байгуулдаг Венецийн дүрслэх урлагийн олон улсын үзэсгэлэнд Монгол Улс зураач Ж.Мөнхцэцгийн "Гүнээс гүнд" уран зургийн үзэсгэлэнгээр оролцож байна.  

Монгол Улсын павильон нь уран бүтээлч Ж.Мөнхцэцэгийн зөөлөн баримал, зүймэл, видео зэрэг сүүлийн 15 жилд туурвисан ажлуудаас бүрдсэн бөгөөд павильоны “Дутуу төрөлт”, “Зээрийн зүүд”, “Судасны чимээ” гэх гурван өрөөнд дэлгэсэн бүтээлүүд нь хүн хийгээд сав шим ертөнцийн холбоо, байгаль дэлхийн өмнө хүлээх хариуцлагын тухай өгүүлдэг юм.