Францын “Charlie Hebdo” сонинд зөнч Мухаммедийг гутаасан шог зураг нийтэлсний хариу болгож  Египетийн “Аль-Ватан” сонин барууныхан мусульман шашин, сүсэгтнүүдэд хэрхэн ханддагийг шоолсон 13 шог зураг нийтэлсэн байна. Ийнхүү шог зургийнн эсрэг шог зураг илгээн тэмцэлдэж байгаа нь энэ юмсанж. Зургуудын нэг дээр 2001 оны есдүгээр сарын нэгэнд шатаж байсан хоёр ихэр цамхаг нүдний шилэн дээр туссаныг харуулаад тайлбарыг нь “Лалын ертөнцөд зориулсан барууныхны нүдний шил” гэжээ. Энэ зургуудаас гадна сонин гурван ч хуудсандаа шашин хоорондын зөрчилдөөн, лалын ертөнцийн эсрэг суртлын талаар бичсэн ойрхи дорнодод нөлөө бүхий улстөрч, нийтлэлч, шашны номлогчдын өгүүлэл нийтэлсэн байна.
“Аль-Ватан” нь египетийн парламентад олонхи  болоод байгаа сөрөг хүчний “Ах дүү мусульман” хөдөлгөөн, шинэ ерөнхийлөгч Мохаммед Мурсийн хэвлэл гэгддэг юм.