Бразилийн Сан-Паулу хотын шүүх интернетийн "YouTube" сервисээр “Гэм зэмгүй мусульманчууд” киног 10 хоногийн хугацаанд үзүүлэхгүй байх шийдвэр гаргасан байна. Шүүхийн шийдвэрээр бол зөвхөн энэ сайтаар ч биш интернетийн бусад сервисүүдэд ч хамаатай гэнэ. Хэдийгээр 200 сая хүнийх нь 70 хувь католик шашинтай, сайндаа 50 мянга орчим хүн л лалын шашинтан ч шүүх ийм шийдвэр гаргажээ. Энэ кино нь хүний шашин шүтэх эрхийг төдийгүй Бразилийн үндсэн хуулийг зөрчиж байна гэж үзсэн байна. Шүүхийн шийдвэрийг “Google” компанид бас илгээж энэ шийдвэрийг мөрдөхгүй бол 10 хоногийн өдөр бүрийг таван мянган долларын торгуулиар тооцно гэдгээ мэдэгдсэн байна.