Сангуудын зээл тэтгэлэгтэй холбоотой үүсээд байгаа асуудалд Ерөнхий сайд Л.Оюун-Эрдэнэ ам нээж дуугарч байна. Тэрбээр өнөөдөр мэдээлэл өгөхдөө "Миний хувьд хэн нэгний мууг үзэх гэж байгаа юм биш.
Хэн нэгнийг буруутгах гэсэн сэдэл байхгүй. Хөдөлмөр эрхлэлтийг дэмжих сан, Нийгмийн даатгалын сангийн мэдээлэл өнөөдөр ил болж байгаа. Юу болсон бэ гэдгийг цахимд байршуулна. Нийгэм өөрөө дүгнэлтээ хийнэ. Сан байх нь зөв байх. Харин журам нь ямар байх вэ гэдэг дээр та бүхэн шийдэл гаргах хэрэгтэй. Сан ил тод, хүртээмжтэй, шалгуур нь ойлгомжтой байх ёстой. Хэн зээл авсан бэ гэдэг нь ил тод болно" гэлээ.
