Чойжин ламын сүм музейд сэргээн засварлалтын ажил явагдаж байгаа юм байна. Тиймээс өнөөдрөөс /2023.10.23/ эхлэн аравдугаар сарын 31-ний өдрийг хүртэл олон нийтэд үйлчлэхгүй аж.
Музей нь Махранз сүм, Гол ба Занхан сүм, Зуугийн сүм, Ядам сүм, Хотол чуулган тус Энх-Амгалангийн тив сүм нийт 5 сүм, хүндэтгэлийн 5 хаалга бүхий Монголын түүх, шашин, соёлын өвийн цогцолбор юм.
Музейн сан хөмрөгт монгол орны түүх, соёлын өв, шашны уламжлал зан заншлыг илэрхийлсэн 6000 гаруй үзмэр хадгалагддаг. Үүнээс 77 үзмэр нь “Монгол Улсын түүх, соёл хосгүй үнэт дурсгал”-ын жагсаалтад багтдаг.
