Оросын автомашины тийм ч нэрд гараагүй “Авторос” үйлдвэр газар сайгүй явагч шинэ машин үйлдвэрлэжээ. Өмнө нь гарч байсан Х-Trim машины сайжруулсан загвар болох  аварга том энэ машин найман өргөн дугуй, гурваас дөрвөн мосттой газарт ч, усанд ч явах зориулалттай юм байна. Найман дугуй нь шаардлагатай үед  бүгд удирдагдах юм. Сибирь зэрэг шавар намаг, уул, тайга бүхий нутагт л яг тохирох унаа гэж зохион бүтээгчид үзэж байна. Машины урт 6,3, өргөн нь 2,5, өндөр нь 2,7 метр. Нийт жин нь бараг дөрвөн тонн. Кабиндаа 10 хүний суудалтай, бас нэг тонн хүртэлх ачаа даана.
Hyundai, Iveco маркийн хоёр мотортой энэ аварга машин хуурай газарт 80, усанд долоон км/цаг хурдлах юм байна.