Шүд цоорох, буйл үрэвсэх зэрэг амны хөндийн өвчлөлөөс үүдсэн 300 гаруй өвчлөл байдаг. Эдгээр нь хүний биеийг өвчлүүлж амьдралын чанарт сөргөөр нөлөөлдөг. Мөн хүүхдийн хоол тэжээл, өсөлт хөгжил, хичээл сурлагад сөрөг үр дагавартай.

Эдгээрээс урьдчилан сэргийлэхэд фторын хэрэглээ, амны хөндийн эрүүл мэнд, эрүүл зөв хооллолт зэрэг асуудлууд чухал.

Асуудлыг цогцоор нь шийдэхэд олон салбарын хамтын ажиллагаа чухал учраас НҮБ-ын Хүүхдийн Сан энэхүү аянд нэгдэн Засгийн Газартай хамтран ажиллаж байна.