Сүхбаатар аймгийн Түвшинширээ сумын Монхоорой гэх хүн дан модоор оёдлын машин хийсэн нь аймгийнх нь музейд тавиатай бий. Гэтэл автомашиныг бас модоор хийж болдог байна. Ийм тохиолдол өчнөөн олон байдгийн нэгийг урласан хүн  нь дорнод Украйны 40 настай инженер Лазаренко Василий. Угаасаа инженер, зургадугаар зэргийн слесарь мэргэжилтэй ч одоо бол мебель эдлэл хийдэг байна. Гэтэл интернетээс модооор автомашин хийсэн тухай олж уншаад өөрөө хийхээр зориг шулуудаж. Гэхдээ бас ер бусын байхаар бодсоноор машинаа 1981 оны Opel  загвараар хийх гэж байсан ч бас нэг адын бодол орж ирэн өөр бас нэг загварын машин оруулах санаа төрсөн байна. Ингээд машины голоор нь хоёр хэсэг болгож нэгд нь Opel-oo, нөгөө хэсэгт нь 1989 оны кабриолетын загвар оруулжээ. Ингээд удтал оролдсоны эцэст санасандаа хүрч модон машинаа замын хөдөлгөөнд оруулжээ. Мэдээж копутыг нь сөхвөл мотор нь мод биш л дээ. Түүний машин цагт 160 км/цаг хурдалж элбэг чадна.