“Анна Каренина” жүжиг өнөөдрөөс энэ сарын 15-ныг хүртэл Улсын драмын эрдмийн театрын тайзнаа таван удаа  тавигдана. Оросын алдарт зохиолч Л.Н.Толстой “Анна Каренина” романыг 1873-1877 онд бичиж, 1878 онд бүрэн эхээр нь анх хэвлүүлж байжээ. Тэгвэл манай улсад УДЭТ-ын ерөнхий захирал, Төрийн соёрхолт, урлагийн гавьяат зүтгэлтэн Н.Наранбаатарын найруулсан эл жүжиг анх 2020 онд нээлтээ хийсэн бөгөөд тухайн үед нэг сарын турш тайзнаа тоглоход 17 мянга орчим хүн үзсэн байдаг. Анхны “Анна Каренина”-гийн дүрийг соёлын тэргүүний ажилтан Н.Баярмаа амилуулж байсан бол энэ удаа залуу жүжигчин О.Хонгорзулын тоглосноор үзэгчдэд хүрэх юм байна. 

УДЭТ-ын уран бүтээлчид Оросын нэрт зохиолч Лев Толстойн “Анна Каренина” романаас сэдэвлэсэн ижил нэрт жүжгийг 2020 онд Монголын үзэгчдэд анхлан хүргэж байжээ.Түүнчлэн хоёр бүлэг, 23 үзэгдэлт уг жүжгийг УДЭТ шинэ бүрэлдэхүүн, шинэ “Анна”-тайгаар энэ оны тавдугаар сард үзэгчдийн хүртээл болгож байсан аж.