Хөвсгөл аймгийн Тосонцэнгэл сумын  нутагт сумын төвөөс баруун урьд зүгт 45 км-т Тээл багийн “Тээлийн бирваз” гэдэг газар  Сэлэнгэ мөрний мөсөн дээгүүр зорчиж явсан суудлын автомашин цөмөрч суужээ. Энэ тухай дуудлагыг 12 дугаар сарын 26-ны өдрийн 14:24 цагт хүлээн авчээ.

Тухайн дуудлагын дагуу тус аймгийн Онцгой байдлын газрын алба хаагчдыг очиход иргэн Б-гийн ''Лексус-450'' загварын автомашинтай Улаанбаатар хотоос Хөвсгөл аймгийн Мөрөн сумын чиглэлд 4 зорчигчтой зорчиж явж байхдаа голын хойд эргээс 20 метрийн зайтай, 4 дугуй цөмөрч орсон байсныг 18:07 цагт татан гаргажээ.