Германы амьтан хамгаалагчид үүнээс хойш телевизийн нэвтрүүлэгт нохой оролцуулахыг зөвшөөрөхгүй гэж мэдэгдлээ. Тэд үүнийгээ аравдугаар сарын 6-нд телевизийн ZDF сувгаар гарсан  “Маргалдацгаая” шоу нэвтрүүлгийн үеэр эзэдтэйгээ ирж нэвтрүүлэгт оролцож байсан нохдоос нэгэн пудель сандал дээрээс харайхдаа толгойгоо юманд цохиж үхсэний дараа мэдэгдсэн байна. Амьтан хамгаалах нийгэмлэгийнхэн “хэтэрхий хурц гэрэл, их дуу чимээ нь амьтанд таагүй нөлөө үзүүлж байна. Иймд телевизийн нэвтрүүлэгт үүнээс хойш нохой оруулахгүй” гэсэн байна.
Харин телевизийнхэн нэвтрүүлэг эхлэхийн өмнө нохойн эздэд бид урьдчилан анхааруулсан гэжээ.
Уг нь 22 нохой оролцсон энэ нэвтрүүлгийг 13 сая хүн үзэж сонирхжээ. Нохойд тохиосон азгүй явдал эфирт арай гараагүй байна.