Яг одоо Битлзийн хөшөөний урд талбайд залуус цугларан Эрх чөлөөний парад хийж байна. Тэд энэхүү парадаараа хүнийг хүнээр нь хайрлая хэмээн монголчууддаа уриалж байгаа юм. Эрх чөлөөгөө зарлан тунхаглаж тав дахь жилдээ парад хийж буй залуус энэ удаа “Хүн бүр тэгш эрхтэй, ижилхэн үнэ цэнэтэй. Тиймээс нэг нэгнээ хүн гэдэг утгаар нь л харж, харилцаж, хайрлая” хэмээн бусдадаа уриалахыг хүсчээ.
Парадын үеэр залуу дуучид, хамтлагууд урлагийн чөлөөт тоглолтоор үзэгчдээ хөгжөөхөөс гадна хүрэлцэн ирсэн залуус нийтээрээ флэш мобд нэгдэх юм. Эрх чөлөөний парадыг Монголын Эмнести Интернэшнл байгууллага, ЛГБТ төв, Эрхийнхээ төлөө гараа өргөцгөөе хэмээх залуусан аян, Өөрчлөлтийн төлөөх эмэгтэйчүүд гээд олон төрийн бус байгууллага хамтран зохион байгуулж байгаа юм.