Богдхан уулын дархан цаазат газрын Манзуширын амны хязгаарлалтын бүсийн ойн сангийн 30 га талбайд ойн хортонд нэрвэгдсэн, цаашид ургах чадваргүй болсон ойд ойн цэвэрлэгээ хийж байна. 

Тус цэвэрлэгээнд Хамгаалалтын захиргааны албан хаагчид Байгаль орчны хяналтын улсын байцаагч нар холбогдох байгууллагуудтай хамтран хяналт тавин ажиллаж байна.

Ойн цэвэрлэгээг хийх нь ойн түймэр болон хортон хөнөөлтөөс сэргийлэх, ой байгалийн жамаар сэргэн ургах нөхцөл байдлыг бүрдүүлэх ач холбогдолтой гэж Байгаль орчин, уур амьсгалын өөрчлөлтийн яамнаас мэдээллээ.