Хуралдаанаар өмнө хэлэлцсэн асуудлуудын үр дүн, Туулын хурдны зам, Тойрог хурдны зам, ногоон бүсийн гэр хорооллын өрх айл болон орон сууцны дулаалга, Сэлбэ дэд төв, Хөх нүүрс болон хагас коксын үйлдвэрлэлийн төслүүдийн явц зэрэг асуудлыг хэлэлцэв.Нийслэл Улаанбаатар хотод хэрэгжүүлэх томоохон төсөл, арга хэмжээнүүдийн явцыг эрчимжүүлж, уялдаа холбоотой, шуурхай ажиллах шаардлагатайг Ерөнхий сайд Л.Оюун-Эрдэнэ Шуурхай штабын гишүүдэд үүрэг болгоод агаарын бохирдол, түгжрэл зэрэг нийслэлийн тулгамдсан асуудлыг шийдвэрлэх ажлууд энэ хавар, зуны турш тасралтгүй үргэлжлэх ёстойг анхаарууллаа.