Германы алдарт зураач, уран бүтээлч Герхард Рихтерийн “Abstraktes Bild” хэмээх зураг Сотебигийн дуудлага худалдаагаар 34,2 сая ам.долларын үнэ хүрч, рекорд тогтоолоо. Түүн шиг амьд ахуйдаа зургаа ингэж өндрөөр үнэлүүлсэн уран бүтээлч байхгүй юм. Өнгөрсөн баасан гаригт болсон дуудлага худалдаагаар энэхүү зургийг худалджээ. Зургийг алдарт гитарчин Эрик Клэптон эзэмшиж байсан бөгөөд “Abstraktes Bild”  1994 оноос хойш түүний цуглуулгыг чимж байжээ. Уг зургийг ийм өндөр үнэ хүрнэ гэж төсөөлөөгүй, 9-12 сая фунт орчимд хэлбэлзэнэ хэмээн тооцоолж байсан ч өмнө нь Нью-Йоркт дуудлагаар худалдаалсан Г.Рихтерийн өөр нэг зургийн рекордыг эвдэж,  тооцоолж байснаас нэг дахин өндөр үнээр зарагдлаа.