“Tiger Translate” наадмын хүрээнд АНУ-ын Нью-Йорк хотын “FAILE” нэгдлийн уран бүтээлчдийн нэрт “Чонон элч” хөшөөг барималч Ц.Батмөнх, Б.Говь-Cайхан нарын бүтээснээр Үндэсний цэцэрлэгт хүрээлэнд босголоо.
Нью Йорк, Лондон, Копенгаген, Берлин, Дублин, Веллингтонд болж олон  орны залуу уран бүтээлчдийн авъяас чадварыг илрүүлж, хөгжүүлж байсан “Tiger Translate” наадам энэ жил “Tiger” брэндийн 80-н жилийн ойн хүрээнд Улаанбаатар хотноо зохиогдож, “Чонон элч” хөшөөг ийн сүндэрлүүллээ.
“Чонон элч” нь дэлхий дахинд хурдацтайгаар хөгжиж буй газар орнуудад тулгарч буй ижил төстэй бэрхшээл, тулгамдсан  асуудлыг бодитой  харуулж байгалийн амьтанлиг сүлд сэтгэлгээний төлөөлөл болохын хувьд Монгол үндэстэнд угсаа язгуур, үүх түүхээ эс умартахын сануулах зорилготой юм байна. Чоно толгойтой хүн дүрсэлсэн энэ хөшөөний сууринд дүрсэлсэн Монголын уламжлалт хээ дүрслэл нь ёс заншил, өв уламжлалаа эс орхин залгамжлахын илэрхийлэл болно.