Засгийн газрын өнөөдрийн  хуралдаанаар  Ерөнхий сайд Л.Оюун-Эрдэнэ МАН-ын Бага хурлын шийдвэрээ албан ёсоор танхимын сайд нартаа танилцуулж, "хамтарсан Засгийн газарт итгэл үзүүлэх эсэх" тогтоолын төслөө батлан, УИХ-д өргөн барих аж. Тэрбээр Үндсэн хуулийн 44.1, 44.2 дэх заалтад үндэслэн "Итгэл үзүүлэх тогтоолын төсөл"-ийг боловсруулж, "Хамтарсан Засгийн газартайгаа үргэлжлүүлэн ажиллах хүсэлтэй байна" гэсэн агуулгыг шингээжээ. Л.Оюун-Эрдэнэ тус тогтоолын төслөө Засгийн газрын хуралдаанаар батлуулсны дараа УИХ-д хүргүүлэн маргаашийн УИХ дахь намын бүлэг, байнгын хороогоор, мөн Баасан гараг /2025.05.30/-т УИХ-ын нэгдсэн чуулганаар хэлэлцэж эцэслэн шийдэх аж.