Автотээврийн салбар үүсэж хөгжсөний 100 жилийн ойд зориулсан түүхэн ховор автомашины үзэсгэлэнг иргэдэд толилуулж энэ сарын 25-ны өдөр Д.Сүхбаатарын талбайд байршууллаа.
Үзэсгэлэнд Монгол Улсад өргөн хэрэглэгдэж байсан болон, хөдөө аж ахуй, үйлдвэрийн салбарт өргөн ашиглагдаж байсан автотээврийн түүхийг өгүүлэх ховор автомашинууд багтсан нь иргэдийн сонирхлыг ихээхэн татаж байлаа.
Тухайлбал:
- 1945-1958 онд Зөвлөлт холбоот улсад үйлдвэрлэгдэж байсан Зис-110
- 1953 оноос үйлдвэрлэгдэж эхэлсэн, цэрэг, иргэний зориулалттай Монгол Улсын тээврийн салбар, ялангуяа хөдөө орон нутгийн тээвэрт өргөн хэрэглэгдэж байсан ГАЗ-69,
- Монголын Улсын зам тээвэр, аж үйлдвэрт хүчтэй нөлөө үзүүлсэн хүнд даацын ачааны автомашин ЗИС-5,
- Хуучнаар ЗХУ-д хамгийн ихээр үйлдвэрлэгдэж байсан ачааны машин болох ЗИЛ-130 зэрэг дурсамж, түүх өгүүлэх ховор автомашинуудыг байршуулжээ гэж Автотээврийн үндэсний төвөөс мэдээллээ.
